Uun’t biljarkiif san biljen faan a eilunen Feer an Oomram faan 1850 bit nü hentu.
Uun det algemian saamling san ääler biljen faan lidj, huuchhaiden, taarpen an so widjer faan Feer an Oomram tu sen. Diartu wurd heer uk noch biljen faan skeb an kopteins faan a eilunen saamelt. Sant 2002 san uk a biljen, wat Wilhelm Ellermann auer en tidj faan 40 juar för at fering bleed „Der Insel-Bote“ maaget hee uun’t arkiif faan a Fering Stifting. At san so ambi 80000 stak an altmaal digitalisiaret.
A miast biljen san üüb computer an kön auer en dootenbeenk ufrepen an ütjdrükt wurd. Am a biljen tu belukin, skel dü en paaswurd haa, wat’m heer fu kön.
Hoker wat auer enkelt biljen wed wal, kön ham mä üüs uun ferbinjing saat. Wi frööge üs natüürelk uk, wan wi biljen fu kön, wat tu üsens saamling paase.
